مربعات الشاعر إبن عروس

* ولابد من يـوم معلـوم

ترتــد فيـه المظـالم

ابيض على كل مظلـوم

واسـود على كل ظـالم


* مسكين من يطبخ الفـاس

ويريد مـرق من حـديده

مسكين من يعاشر النـاس

ويـريـد من لا يـريـده

* إوعى تقول للنـدل يا عـم

وان كان على السرج راكب

ولا حد خالى من الهم

حتى قلوع المـراكب


* كيد النسا يشبـه الكى

من مكرهم عدت هارب

يتحزمـو بالحنـش حى

ويتعصبـو بالـعقـارب


* الليـل مـا هـو قصير

إلا على اللى يـنامـه

والشخـص مادام فقير

ما حد يسمـع كلامه


* أنا باوَحِّد اللي خلق الناس

خلق مسلمين ونصارى

وناس نامت على فَرش وِكْناس

وناس ع المعايش حيارى


* طبيب الجرايح قوم اِلحق

وهات لي الدوا اللي يوافق

فيه ناس كتير بتعرف الحق

ولاجل الضرورة توافق


* فَرَطت قِلعِي ما جانيش ريح

وعاودت ع البَر ناوي

ياما ناس زيِّنا مجاريح

لكين صابرة ع البلاوي


* سكت الهَوى والناموس طار

والسبع طاطا بعينه

خليه دا النومِ أستار *

لما الكلب ياخد يومينه


* شوف الزمان انتهت عَدَليه

وادي البُطْل ع الحق راكِب

جه السبع يُطلُب عدليه

لَقَي الهِلف ع التخت راكب


* يا قلبي إوعى تعاشر الدُون

ولا تكلِّمُه بالاشتراحة

تكلمه الكلامِ موزون

تلقاه يرد بقباحة


* جاني طبيبي مع العصر

وف إيده ماسك عصاية

اتاري طبيبي قليل أصل

من خصمي جابلي الوصاية


* كلام الغَرَابا حِمِلناه

فات علينا كما ريح هاوي

كلام القرابا إخ منَّاه

وياجي فوق فرش الكلاوي


* إوعى تقول للندل يا عم

ولوكان على السرج راكب

ولا حد خالي من الهم

حتى قلوع المراكب


* غربي بلدنا بلد سيح

وادي الهِلف ماشي ورانا

مش عيب كراسي التماسيح

تقعد عليها "الوِرانا"؟*


* اللي حبنا حبناه

وصار ماتعنا متاعه

واللي كرهنا كرهناه

ويحرم علينا اجتماعه


* يا بت جملك هبشني

والهبشة جت في العبايا

رمان صدرك دوشني

وخلى فطوري عشايا

يا رب تعجبكوا

الله الله ربنا يحميك يا بطل هههههه
بجد لو ينفع اصقف كنت صقفت بس مفيش تصقيف مكتوب
واحلي جملة عجبتني
يا بت جملك هبشني

والهبشة جت في العبايا

رمان صدرك دوشني

وخلى فطوري عشايا

حلوة ينفع تكملها ولا

هههههههههههههه
يا عم أحمد دي مربعات مشهورة لشاعر قديم إسمه إبن عروس
كان شاعر زي بتوع الربابه
و البعض بيقولوا إنه مجرد أسطورة و تعريفه :
هو شاعر ذاع صيته بعد وفاته بقرون غير أن العديد من المفكرين يقولون ان ابن عروس هو شخصية وهمية ولكن البعض يؤكد أن شعره والذي يتمتع بقالب معين يسمى مربعات او بالتحديد تسمى مربعات بن عروس نسبة إليه.

غير أن تعريفا بابن عروس هو الشاعر الذي عاش في العصر العثماني وكتب بالعامية ما وصل إلينا ونتداوله كحكم و أقوال مأثورة

جميلة جدا واحلى جملة عجبتنى
من حبنا حبناه
وصار ماتعنا متاعه
ومن كرهنا كرهناه
يحرم علينا اجتماعه
مرسى ياشاعر ع المواضيع الجميله دى

ولله العظيم انا فهمتك غلط بس دة اول مرة اسمع عنه بس شكله كدة شاعر جميل
معلش جت في اخويه وحبيبي

طيب مفيش حاجة جديدة نفسي ؟؟؟؟؟

يعني هو موجود فعلا بس ليه اشمعنا المربعات

مربعاته هي اشهر أشعاره
لأنها تستخدم كحكم وأمثال ويمكن إنتوا بتسمعوها كتير

و على فكرة أنا مستغرب جدا إنكوا مسمعتوش عن إبن عروس قبل كده
لأنه علم من أعلام شعراء العامية

لأ انا عارفه يا محمد

وانا بحب دي اوي
الليـل مـا هـو قصير

إلا على اللى يـنامـه

والشخـص مادام فقير

ما حد يسمـع كلامه



وشكراً ليك يا محمد

الشكر لله يا حماده
إنت راجل مثقف من عمرك يا ريس
أنا بتلكم عن اللي ميعرفوش عنه حاجه

ربنا يخليك يا محمد
يا ريت اشوف ليك حاجه جديده

أنا الوقتي شغال على الأغنية بتاعت
أسامة أنا خلصتها بس عاوزه تتظبط

طب خبر كويس والله

ربنا يوفقكم يا رب

انا احب اشكرك علي الربعيات الجميله دي واحب اعدل حجه فيها
يابت جملك هبشني والهبشه جات في العبايه
رمان خدك روشني خل فطوري عشايا
كما ان ابن عروس يقول
لايرجد الليل مفتون
ولايجرب النوم دافي
ولا يطعمك شهد مكنون
الا الحبيب الموافي
علي فكره انا بحب ابن عروس كما انه مشهور جدا في دول الخليج وبيغنوا القصائد بتعته كبير وصغير

معلومه يا با الحج
إبن عروس ده صعيدي
إيه اللي وداه الخليج
بس جديد المربع ده
شكرا للإضافة

يا صديقي العزيز ان ابن عروس بيتكلم بالغه العربيه الدارجه في شبه الجزيره العربيه
واكبر دليل علي ذلك انه ينطق (ق) الي (ج)
ذي ما كتبتلك
لايرجد (لا يرقد) الليل مفتون ولا يجرب (يقرب) النوم دافي
ولو مش مصدق كلامي ممكن تبحث علي النت وتعرف شعبيه ابن عروس عند الخلجين
كما انه علي الرغم من انه صعيدي الا انه نادر ما تلقي حد يعف شعره في مصر
لعل الفكره تكون وضحه
واعلم ان فوق كل ذي علم عليم

ايه يا شاعر مسحت ردي عليك ليه يا طرا غيرت رأيك عني وله خلص الكلام يا صحبي

يا حبي الوحيد
أنا ما مسحتش حاجه
يظهر عطية أو محمد توكل اللي مسحوه أنا مبخفش
و أنا مقرأتش ردك
أنا الجهاز بتاعي كان بايظ
ولسه مصلحه
ومفتحتش من يومين

ثانيا يا عم العليم
أنا شاعر عامية
يعين التراث المصري تخصصي
يعني مليش دعوة الخلجين بيحبوا غيه أو يسمعوا بمين
ثالثا ما دامت كل علاقة بالثقافة هي النت
يبقى تسمحلي أقولك إنك جاهل
لأن النت أحيانا بتتحط عليه معلةمات خاطئه
إعلم يا عم العليم إني قبل ما قول أي معلومة لازم أدور على صحتها الاول
من الناس المثقفين اللي أعرفه أو عن طريق الكتب الموثوق فيها

يعني بثقه جامده أقدر أقول إن إبن عرس شاعر صعيدي كان في العصر المملوكي
و الأبندودي عاوز يقنع الناس إنه أسطورة علشان يبقى هو الشاعر الصعيدي الوحيد
و إبن عرس من أوائل الشعراء العامية

افتكر اني سبتلك الرد في مكتوب ابن عروس