بقالي سنين ف زنزاتنتي
ف وهم وخوف
وعايش حكاية قديمه
وفوق جدرانك الهشه
على ضلعي الشمال سايب
كسور وشروخ ف شعر أبيض
لأول ف تاريخي
أفكر نفسي أنا الأدهم
وسايب طاري لأحفادي
لأول بندهلك تجوبيني
لأول مره أخرج لك لزنزانتك
ونتسامر وتحكيلي
ويرجع صمت أوجاعي
وزنزانتي تكون حجرة لأسراري
و اسيب مفاتحها ف شروخي
وكل ما شوف
شعاع الشمس متسطر
أغبر وشي بترابه
و بأستنى شعاع منهم
يكون جايب
تراب من أرض محبوبتي
أنا أصلي منيش الأدهم
ولا عمري هكون أدهم
مفيش أدهم بعكازه
أنا أصلي ف زنزانتي
شوية نخوه سقعانه
وجات زنزانتي تتدفى
جميله اوى حتى دى قليله عليها
