عارفينه ؟..........جربتوه؟

عارفين


الشعور ده



عارفين لما تفتكر حاجه كده



تحس انها بتشدك لذكريات



انت مش عارف ايه الذكريات دى



بتشدك لحاجه كده



لحاجة انت مش عارفهاا



و ممكن تدخلك فى شعور كده غريب



حزن مع الم مع فرحه



الشعور ده



....عارفينه


عارفين


لما تسمع اغنيه كده



تلاقى نفسك بتبتسم من غير سبب



بس جواك حزين اوووى



و تلاقى شعور بدأ يدخل جواك



انت مش فاهمه



و تحاول تفهم ايه ده



وفى الاخر متفهمش

عارفين


لما تروح تقف على البحر كده



وتاخد نفس عمييييق



بعديها تلاقى نفسك بتبتسم



بس جواك حاجه مش قادره تخرج



حاجه يمكن بتقطعك من جوه



و مش عارف تتخلص منها



عارفين الشعور ده



عارفين




لما تبقى لسه صاحى من النوم



اليوم لسه مبداش اهو



وتلاقى نفسك على السرير لسه



و غصب عنك تنزل دمعه



ممكن تفضل ساعتين تعيط على المخده



المخده اللى تعبت مننا كل يوم



كل يوم يتحس بينا



قبل ما ننام



و تقوم من على السرير



و محدش يعرف حاجه


عارفين الشعور ده


عارفين


لما تكونوا اصحاب متجمعين فى يوم كده



و كلكوا مهيسين و بتضحكوا



و اللى يشوفكوا من بعيد لبعيد



يقول الناس دى رايقه



وحياتها تمام اوى



و انتوا اصلا بتضحكوا بدل ما تعيطوا



و محدش حاسس بحاجه



و محدش فاهم حاجه



لا و ايه



محدش هيقدر اصل



انه لا يفهم ولا يحس اللى جواكوا


عارفين


لما تكون الساعه 2 بالليل



و البيت كله نايم



بتبقى عايز تصرخ بأعلى صوتك



كفاااااااااااااااايه ......حراااااااااااااااااااااام



كفايه بقى...ما خلاص..



حرام عليكوا اوى كده



بس كفايه ايه..معرفش



كفايه و خلاص



عارفين


الشعور ده





لما تكون راجع من يوم سبيشيل اوووووووووى بالنسبه



ليك



و ترجع..متحكيش لحد من اللى فى البيت على اللى حصل



و يمكن متحكيش لحد خالص



و يمكن اصلا محدش يسالك



ولا يقولك تعالى يا حبيبى



عملت ايه



احكيلى ابسطنى معاك



تبقى عايز حد جنبك اووووى يفرح معاك كده



بس متلاقيش



و تروح قبل ما تنام تراجع اليوم ده كده



لقطات بسيطه



و فى ااخر يوم اجمل من رائع



و انت جاى تنام...تقعد تعيط



مع ان فى ناس كتييير يحسدوك على اليوم ده


عارفين



لما تحس انك عايز مساعده من اى حد



اى انسان


اى مخلوق


حاسس انت بتغرق


بتغرق فى ايه مش عارف


بس انت محتاج مساعده


محتاج حد ينجدك


مش عارف هتطلبها من مين


و حتى لو طلبت مساعده


هتتقوله ايه


عايزك تساعدنى و خلاص


هيرد و يقولك اساعدك فى ايه


تقوله حاسس انى بغرق


الحقنى


هيقولك بتغرق فى ايه


ما انت واقف قدامى اهو


انت محتاج مساعده


بس مساعده فى ايه انت مش عارف


و تفضل تغرق و مش لاقى مساعده

عارفين



لما تكون عايز تسمع كلمه معينه مش شخص معين



كلمه ممكن تكون كلمه من حرفين بس



مش صعب عليه يقولها



وتلاقيه ولا بيتكلم



تحس انه تمثال



ما تتكلم بقى



طيب ما هو انا شايفاك بتقولها مليون مره



شايفها فى عينيك



حاسسها اوى



عايز تسمعها بقى



قوووووول



اتكلم



و لما يتكلم



تحس انه بيشفق عليك



!...بتشفق على



طيب لما انت كده



بتحسسنى بيها ليه من الاول اصلا



بتعيشنى فى الشعور ده



ليه من الاول..و لو للحظات



لما ده مش حقيقه

عارفين



لما تلاقى نفسك كده



عايش شعور جميل اوى



مع نفسك



انت بتحب جديد



انت عاااشق




بس اللى يضحك



مفيش حبيب



انت لوحدك



بتحب و خلاص



هو انت اااه بتحب



بس اللى بتحبه ده مش موجود



طيب هو فين معرفش

عارفين


لما تبقى عايز تسمع صوت حد معين اووى



واحشك اوى



عايز تسمع صوته



تطمن عليه



و تفضل مستنى








ياترى عارفين الشور ده ؟



و مستنى..... ومستنى



و فى الاخر ميتصلش



لا و بعدين يتصل حد تانى



تقول اخيرا اهو



و ترد بلهفة



و تسمع صوت حد تانى



مش ده اللى كنت مستنيه













يا ترى عارفين الشعور ده ؟








ياترى عارفين الشور ده ؟



و مستنى..... ومستنى



و فى الاخر ميتصلش



لا و بعدين يتصل حد تانى



تقول اخيرا اهو



و ترد بلهفة



و تسمع صوت حد تانى



مش ده اللى كنت مستنيه













يا ترى عارفين الشعور ده ؟


عجبتنى اوى تحس انها بتتكلم عنك عن حالك مشاعرك حزنك آلمك فرحك جنونك كل حاجه اثرت فيه جامد بصراحة
فقررت انى انزلها على المنتدى " على فكره اللى كاتبها فى الجامعة زميل يعنى"
يارب تعجبكم

" منقول"

فعلا


موضوع حلو

بجد موضوع حساس ونفسوي اوووي

ولو طلب بايخ هل الزميل ده نعرفه شخص من اسرتنا
مش ضروري الاجابه بس حبيت اعرف بس
واخير وليس اخرا موضوع جاااااااااااااامد

شكرا على مروركم
هوه ياحمد مش معانا ف الاسرة ولا حد يعرفه

متشكر جدا على الموضوع لانه بيفكرك باحاسيسك الداخليه المختلفه ..

شكرا يا إيمان على الموضوع بجد رائع أوى

موضوع بجد رائع وخلانى أبكى
بس عارفه : لما بحس بكده بأقعد أكلم ربنا (سبحانه )واحكيله على اللى جوايا كأنى بكلم حد شايفاه قدامى بأكلمه (وابكى أو اضحك ) وأفضل اتخيل الرد اللى ممكن يقوله ليا حسب الدين طبعا
ولو جيت أعمل حاجه ، بأفكر فيه الأول
حتى وأنا راجعه من الجامعه فى الطريق وراكبه العربيه بأبص للسما واضحك مهما كان الحزن اللى جوايا
مش عارفه اذا كان ده حرام ولا لأ
بس صدقينى ساعتها بجد بارتاح لأنى بحس أنه معايا

فعلا ده احسن حل ممكن اى حد يعمله
كنت مستنيه كل واحد يقول بيعمل ايه فى الحالة دى
مرسى على مرورك

انا بقعد في البلكونه لو في البيت وبفضل سرحان ومش عارف انا بفكر في ايه

لو في مكان خارج البيت وحد بيكلمني مش بكون سامعه وبرده مش عارف انا بفكر في ايه

اما انا بيجيلي حاله صمت طويله اعد مع نفسي افكر واقول كلمات وجمل
وحا جات كتير

انا بقه اما اكون فى الحاله دى بقعد على سريرى واما اكون بالخارج بقعد فى مكان هادئ واعقد اتخيل واسرح وافكر ومع ذلك بكون دارى بلى حوليا وممكن اقعد فتره كبيره متكلمش ولا كلمه ..

اولا اشكركم على رودكم واتمنى ان اى حد فينا مش هقول مايتعرضش لان ده استحالة بس يحاول يكون اقوى واولكم انا طبعا

اما انا لما بكون فى الحالة دى لو انا فى البيت مبكلمش حد خالص بقعد فى البلكونه واسمع موسيقى هادية جدا
بس الاغلب وده لما الموضوع بيكون اقوى منى ومحتاجة اخلص منه بسافر بعيد عن اى ضغط ولو قدرت بسافر لمكانى وبرجع اقوى بكتير
شكرا على مروركم

هوة فعلا الموضوع جامد جدا


ومش اى حد يكتب كلام زى ده


بس انا لما يمتلكنى شعور او احساس زى دة

فلازم يكون ليا جلسه فى مكانى المفضل وهوة عباره عن مكان على شاطىء البحر بين شجرتين

وتقريبن اغلب الاوقات بتكون بعد الساعه 12 باليل ساعتها بحس براحه نفسيه جامده جدا لدرجه محدش يتخيلها


واتمنى ان تتقبلى مرورى mone

وشطرا على الموضوع

شكرا ليك على مرورك واتمنى انك تخرج من الحاله دى فى اقرب وقت
ونورت المنتدى ياباشا