نيشان الصمت

الحلم الوردي
الباقي م الحكواتي
عاش جوايا
فمات مخنوق
زي حروف صمت الفناجين
بضمير مدفون جوايا حزين
والشمس الضلمه
الساكنه
خطاوي الورد
وعامله إنها بتنور ف البساتين
ونيشان الصمت اللي مخدتوش
ووجودي بعيش
مرسوم ف رطوش
كلها أفكار لحكاية واحد
معرفهوش
ونقشها وصيه
لكل أحفاده ميختلفوش
في زمان مجروح
أو روح بتروح
وبترجع تاني تمسي عليك
فتمثل إنك حر
ف كون محبوس
وتخاف لتموت
والعشق ف قلبك
لتسيبه لوحده حزين
فتعيش وتشوف
ف بياض العين
قلبك ملهوف
وشوية دمع مرار
يحكيلك على أفكارك
ممزوجه بشيء من كذب الناس
فيقوم يندهني
إنت يا حكواتي
وتملي أستغرب
منا بنسى إننا أصلي الحكواتي
والحلم الوردي بتاعي
والفكره أنا اللي كاتبها
فأخدت نشان الصمت
لأني متكلمتش
ولا حتى فهمتش
ورفضت أخدها
لأني أنا الحكواتي
بيعيش في حكايته
ويصدق إنه بطلها
أو واحد منها
وتلاقي الكون
مرسوم على كفي
مكتوب حكواتي
هيعيش ويموت
في الحلم الوردي
الفاضل منه
بيعيش جوانا
فيموت مخنوق

شكرا يا بلاك هارت
يا رب تحجب الكل زي ماعجبتك

القصيدية كلها جميلة جدا يا شاعر بس اكتر جزء عجبنى هو دة وتخاف لتموت
والعشق ف قلبك
لتسيبه لوحده حزين
فتعيش وتشوف
ف بياض العين
قلبك ملهوف
وشوية دمع مرار

شكر على الموضوع وفى راي كله على بعضه حلوه

شكرا يا جماعه على تواجدكم وردودكوا الجميله دي
أنا بجد بشكركوا بشده
وشكر خاص لساعى البريد اللي وصل رسالتي للقناة عندكوا
ههههههههههههههههه