ساعتين سكون

ساعتين سكون
والتالته تابته
متبته
جوه القلوب الميته
مرغم أحس إنك
وطن
مرغم أقول
يحيا الوطن
رغم الشجن
رغم القلوب الميته
رغمك يا جرح الملحمه
رغمين وأنفك يا خريف
حازم متاعك يا شجر
راحل لفين ؟!
قالوا الربيع شايل أمانينا
اللي تاهت مننا
راجع دليل لينا
بكل أحلام الصبا
بس الخريف طول ببرد
المعركه
ضل النيران فوق الحيطان
خايف ووشه بينتعض
زغلل عنين المجروحين
وبهية نادت يا يس
سلم سلاحك يا بطل
أخدت إيه من زخر إحساس الوطن
وقف ال يس
وقال بصوت اللي وتد
برد القلوب الميته التايه
بره المعركه
أكتر بروده م الخريف
سلم سلاحك يا يس
وإخلع متاع المعركه
إرحل وغادر يا شجر
أهل الربيع قالوا الربيع
زمنوا إنتهى
سلم سلاحك ياجدع
ساعتين سكون
والتلته تابته
متبته
جوه القلوب الميته
بس السكن
ضم السكون
والليل بيملاه الجنون
ولا سكننا
هو اللي ساكن في السكون
وبراح سجونك يا وطن
نفسه وطن
رغم الشجن
رغم القلوب الميته

شكرا يا a.boss على الرد الجميل ده


شكرا يا mony
أنا ديما معاكوا بقلبي
بس إن شاء الله هكون متواجد معاكوا

يا عم إسلام الكسور دي بتاعت ودنك مش بتاعتي انا قصديتي موزونه على ميزان حساس
إنت فاهم طبعا وبلاش الكلام ده يا معلم


شبانه حبيبي
والله يمكن أصل أنا كاتبها بطريقه تانيه وقولتها في الجامعه قبل ما عدلها

شكرا يا دينا على زوقك الرفيع

شكرا كتير يا داليا
ربنا يخليك

رائعة وكالعادة متالق

شكرا كتير يا عيسوي