صرخة شقى
ف الصبح
ساعة شقشقه
و الشمس طارحه
مشققه
حاضنه الندى
على ورده
تايه مقنفده
م الخوف
بتسكن ضلها
بيضلها
ويضلها لفعل الهوى
لطير
في غاية الزقزقه
هايم جناحه في الفضا
بيقول في نظرة تريقه
قلبي مابين جنحاتي
حب ؟!
حلمك ... غريب
ضحكك
غناكي
رقصتك ع السمفونية ملخبطه
من غير أمل
من غير حياه
من غير قدر
حبك بيهرب للشقى ؟!
عزفك حزينه ضحكته ؟!
عمرك بتعرج خطوته ؟!
مفهومه ع الأحلام
غريب !
الحلم
شمسه مشقشه
و الورد
فجر من الحياه
و الطير
بيظبط خطوته مع خطوتك
بتقربيله بيبعدك
لكن
اكيد بيحنلك
الحلم مش مشهد حياه
الحلم جزء من الأمل
جوه الحياه
نسمة ربيع
صامده في ساحة معركة
كل الفصول
خدعه
لأملك في الوصول
ليه نابضه حلمك
تنفضي صرخة شقاك
وبكل عندك
ترفضي حبي ف مداك
يرسم غناكي
وضحكتك
يظبط إيقاع السيمفونية
ف رقصتك
ينبض وريد الذكريات
للحلم شجرة
ف سكتك
تطرح أمل
تخلق حياه
تسكن
جبينك و القدر
