ريحة العتمه
جوه سفينة الموت
الساكنه
شط مدينة بيتنا
أخدت
ضمة حضن حنين
أخدت
فرحة قلبي
مسافره
كل دموعي بتنزف
مني
نبض وريدي
أخيرا
كمل
حزن حكاية عمر
بعشها
إسأل قلبك يمكن
يعرف
فين الفرحه
هو زمانك سابك وحدك
هي حبيبتك
خانت حلمك
هو الحلم اللي إنت حلمته
معاها
ممكن يكمل
و لا بتحلم
إنك تركب
جوة سفينة الموت
الراكنة
جمب مدينة بيتكوا
و لا بتحلم
إن سدود الدمع
في عينك
تمنع أي سفينة
تغادر
شط الماضي
مهما هيحلم قلبك
كل الماضي هيفضل
ماضي
شط الإستقبال على قلبك
فاضي
و الجعران اللي إنت صاحبته
سايبك راحل
أصل الصحره اللي إنت
عايشها
شق الدمع بحور
في واديها
علشان كل سفينة موت
تقدر تاخد كل حبايبك
راحله
