..!! مــــــــــــــع ..... أو ..... ضـــــــــــــــد !!..

عندي الــيوم لكم موضــوع أتمنى انه يعجبكم زي ما عجبني . ..



وفكـرته كالآتي ،،،


الفكره ان تطرح سؤال ويقوم العضو الذي بعدك بالاجابة عليه


من خلال الاجابه بــ ( مع أو ضد ) ومن ثم طرح سؤال جديد



يقوم العضو الاخر بالاجابة عليه ووضع سؤال اخر وهكذا


وتكون الأجابه



مـــــــــع ..... أو ..... ضــــــــــــد


ومن ثم طرح السؤال التالي


وتبقى الاجابه للعضو اللي بعده و هكذا ،،، ..



يجــااوب العضــو على السؤال الســابق


ويطـرح سؤال من عندهـ ..


وتكوون كل إجاابهـ على حســب وجهة نظـر الشخص


أتمنى اني استطعت توصيل فكرة الموضوع...



...

وانا دلؤقتى بســأل ..

مع او ضد
صداقة الولد والبنت....
؟؟؟؟؟؟
يارب الموضوع يعجبكم ..
A.BOSS

انا مع صداقه الولد والبنت في اطار الاحترام

مع او ضد

التعصب في حياتك والمشي علي نمط واحد

موضوع جامد جامد يا احمد تسلم ال D

لا انا ضد التعصب فى حياتى وانى امشى على نمط واحد .....
شكرا على مرورك يا بوحميد ....
انت مع اولا ضد ...
الاشخاص اللى متمسكين برايهم ومش راضيين يسمعوا كلام الطرف الاخر او يفهموهم وجهة نظرهم حتى لو هما غلط ....

ضدالاشخاص اللى متمسكين برايهم ومش راضيين يسمعوا كلام الطرف الاخر او يفهموهم وجهة نظرهم حتى لو هما غلط ....

مع او ضد هذه المقوله" نظام التعليم فى الجامعه؟

شكرا على مرورك ومشاركتك يامونى .....
انا ضد هذه المقوله وكلمة نظام تحديدا لان بتندرج تحتيها حاجات كتير ....
انت مع او ضد ....
زواج الشاب والفتاة المتساويين فى العمر .....

مع زواج الشاب والفتاة المتساويين فى العمر لان بيبقوا فاهمين بعض اكتر من ان يكون مثلا الفتاه اصغر فا مستوي التفكير بيبقي اقل شويه


مع او ضد ( زواج الشاب والفتاة المتساويين فى العمر )

مع زواج الشاب والفتاة المتساويين فى العمر مفيش فيها مشكله المهم التفاهم والحب

مع اوضد سياسةالاذاعة والتليفزيون والاعلان المصرى؟

على فكره ياحمد الفكرة حلوة اوى

ضد سياسةالاذاعة والتليفزيون والاعلان المصرى؟


مع او ضد التعصب في الرأي ؟

ضد التعصب عامة
مع اوضد العنف ضد الاطفال؟

طبعا ضد العنف ضد الاطفال ....
شكرا ليكى يامونى على ان الفكره عجبتك ...
انت مع اوضد ...
اتخاذ القرار بنفسك وتحمل مسئولية القرار بنفسك فى كتير من المواقف وعدم تحكم الوالدين فى قراراتك مع سماع منهم النصيحه فقط حتى لوكان قرارك ده غلط فى بعض المواقف .....

مع اتخاذ القرار بنفسك وتحمل مسئولية القرار بنفسك فى كتير من المواقف وعدم تحكم الوالدين فى قراراتك مع سماع منهم النصيحه والتفكير بها حتى لوكان قرارك ده غلط فى بعض المواقف .....

مع او ضد عمل المرأة فى اى مجال؟

انا مع عمل المراه فى اى مجال بس ممكن يكون فى مجال او اتنين مبحبذ عمل المراه فيها ....
انت مع او ضد ...
الزواج بشاب مصرى يشتغل فى الخارج والسفر معه .....

مع الزواج بشاب مصرى يشتغل فى الخارج والسفر معه بس بشرطين انى اقامتى مش دايمة هناك وكمان البلد تفرق كتيرمعايا البلد اللى اسافرها وفوق ده كله يكون فى تفاهم وحب

مع او ضدهذه المقوله"القلب له اربع غرف"

انا فهمت من كلمك ان الزواج فى رايك ان الزواج من شروطه الاساسيه التفاهم والحب ....
فياترى فهمت صح ولا ايه ؟؟
انا مع المقوله دى (القلب له اربع غرف ) ولكن فى رايى ان كل غرف لها مرتبه ودرجه معينه من حيث الحب ياترى فهمتى وجهة نظرى ....
انت مع او ضد ...
ا زواج الصالونات عموما ....

ضده طبعا زواج الصالونات عموما ده مشكلة الموضوع ده ضده جدا كمان

مفهمتش وجهة نظرك بصراحه "القلب له اربع غرف" يعنى ممكن تحب اربعه فى وقت واحد وترتبط بيهم ده المقصود بيهادى وجهة نظر شريحه من الشباب على فكرة
فسالك تانى مع او ضدمقولة "القلب له اربع غرف"

انا قصدى ان كل غرفه لها مقياس معين من حيث الحب يعنى ان مثلا
الغرفه الاولى بتكون للى بتسطلتفهم او تحب تكلم معاهم ...
الغرفه التانيه بتكون للى بتحبهم من قريبك وطبعا والديك ..
الغرفه التالته بتكون للى معجب بيهم ....
الغرفه الرابعه بتكون الحب الحقيقى بجد ولحبيبتك للى مش قادر تستغنى عنها ...
وطبعا كل واحد بيختلف عنده الترتيب كل غرفه ....
انا عاوز اعرف منك ايه رايك فى كلامى .. رايك فى المقوله نفسها ممكن ...

ياحمد انا فاهمه اللى انته قولت ده وكلامك كلام جميل جدا وجهة نظرك صح ميه فى الميه
والترتيب بيختلف زى ما قولت


بس المقوله مبتقولش كده المقوله"القلب له اربع غرف" يعنى ممكن تحب اربعه فى وقت واحد وترتبط بيهم ده المقصود بيهادى وجهة نظر شريحه من الشباب على فكرة
فسالك تانى مع او ضدمقولة "القلب له اربع غرف"

على فكره انا ضد المقوله طبعا مبحبش يكون ليه شريك زى الفريك تماما ههههه

يبقى انا اللى فهمت المقوله ...
انا عن نفسى ضد المقوله دى تماما ...
بس انا عاوزك تقوليلى انت مع او ضد ...
انك مثلا لو بتحبى واحد ومتقدريش تستغى عنه ومحصلش نصيب معاه لاين ظرف كان ده معناه انك مش هتقدرى تحبى حد تانى بنفس مقدار الحب الاولنى وتكملى حياتك كلها بالحب اللى ناقص ده ..

ممكن اجاوب انا
انا مع المقوله طبعا مش هقدر انساه لانه الحب الاولني وصعب جدا انك تعيش من غيره بس حسب اذا كان الحب من طرف واحد ممكن تنساه انما لو اتنين بيحبوا بعض لدرجه ان كل واحد اسمه محفور في قلبه اللي بيحبه دي حاجه صعبه اوي انك تنساه

بس ممكن تكمل حياتك بس ده ازاي معرفش
انت مع او ضد ...
انك مثلا لو بتحبى واحد ومتقدريش تستغى عنه ومحصلش نصيب معاه لاين ظرف كان ده معناه انك مش هتقدرى تحبى حد تانى بنفس مقدار الحب الاولنى وتكملى حياتك كلها بالحب اللى ناقص ده ..

جاوب يا احمد

وكل الاعضاء يجاوبوا علي المقوله دي

بصوا انا مش هجاوب بمع اوضد معلشى

اولا مفيش ظرف يخليك تبعد عن حبيبك او حبيبك يبعد عنك مهما كان اهل مش موافقين وايه المشكله يقتنعوا مقتنعوش دى حياتى ومن حقى اختار واتحمل نتيجة اختيارى ده ابسط حق من حقوقى ظروف ماديه لو البنت بتحب بتستحمل اى حاجه حتى لو كان مستواها اعلى وصعب عليها تتحمل بستحمل وبتقف جمبك ويمكن تشتغل وتساعدك كمان ده لوانته بتحبها وعايزها بجد
اما بالنسبة للحب انا مؤمنة بحاجه ان الحب الحقيقى بتقابله مرة واحده للى هوه بيكون نصك التانى فى كل حاجه ممكن الحب الاولنى يكون هوه ده وممكن لا
انا علقت على كام حاجه فى المقوله بس
بالنسبه ليه صعب اجاوب ياحمد معلشى

ولا يهمك يامونى بس يارب تكون وجهة نظرى وصلت ...
وعلى انا ضد ان الواحد ينسه حبه الاولنى مهمن كان ...
على فكره انتى نسيتى تسالى يامونى ..
انت مع او ضد ..
الشخص اللى بيختار حبيبه عن طريق الشكل الخارجى فقط دون الرجوع او الاهتمام الى شخصية هذا الحبيب ..

ضدالشخص اللى بيختار حبيبه عن طريق الشكل الخارجى فقط دون الرجوع او الاهتمام الى شخصية هذا الحبيب ..لان الشكل بيتغير وبالتالى هيجى يوم يدور على حد تانى اما الشخصيه صعب تتغير وكمان انته بتتعامل مع شخصيه مش مع شكل

مع اوضد سياسة الاسرة بتاعتنا "ميدت" يعنى شايف ان السياسة دى كويسه ولا ليك بعض الاقتراحات او التعديلات ياريت الكل يجاوب؟

انا ضد سياسه اسره ميدت في بعض الحاجات ونفسي تكون احسن من الوضع اللي انا شايفه


مع أو ضد التوقع بالمستقبل؟